Bókhaldið í lagi í hverjum mánuði

Persónuverndarstefna

Síðast uppfært 2. nóvember 2026

Ábyrgðaraðili er MX20 slf., kt. 481024-0640, sem rekur Kjöl Bókhald. Samband: kjolurbokhald@kjolurbokhald.is.

Hvaða upplýsingum söfnum við?

Þegar þú sendir skráningu eða fyrirspurn fáum við nafn þitt, netfang, síma (ef þú gefur hann upp), nafn og kennitölu fyrirtækis og upplýsingar um reksturinn. Upplýsingarnar sem þú sendir í gegnum skráningar- og tilboðsformin á vefnum berast okkur í tölvupósti og eru einnig vistaðar í stjórnborði vefsins hjá WordPress.com (Automattic) þar til við eyðum þeim.

Af hverju og á hvaða grundvelli?

Við notum upplýsingarnar til að svara þér og til að ganga frá samningi. Grundvöllurinn er beiðni þín um þjónustu og, þegar þú gerist viðskiptavinur, samningurinn sjálfur. Við notum þær einnig til að uppfylla lagaskyldur, til dæmis samkvæmt lögum um bókhald.

Hve lengi geymum við þær?

Upplýsingar úr fyrirspurnum sem leiða ekki til viðskipta geymum við að jafnaði ekki lengur en í 12 mánuði. Upplýsingar um viðskiptavini geymum við á meðan samningur gildir og eins lengi og lög krefjast.

Hverjir fá upplýsingarnar?

Við seljum aldrei upplýsingar. Þær fara aðeins til þjónustuaðila sem við þurfum til að veita þjónustuna, svo sem tölvupóstþjónustu og Payday, og til opinberra aðila þegar lög krefjast. Vefurinn sækir leturgerðir til Google Fonts, og þá getur IP-tala þín borist Google. Bókunarsíðan fyrir fundi er frá Google Calendar. Þegar þú bókar tíma fær Google upplýsingar um bókunina, svo sem nafn, netfang og valinn tíma. Formin nota Akismet (Automattic) til að sía ruslpóst, og þá geta upplýsingar úr forminu verið sendar þangað.

Gögn sem við vinnum fyrir viðskiptavini

Þegar við vinnum persónuupplýsingar fyrir viðskiptavin, til dæmis launaupplýsingar starfsmanna, er viðskiptavinurinn ábyrgðaraðili og Kjölur vinnsluaðili samkvæmt vinnslusamningi. Starfsmenn viðskiptavina geta beint fyrirspurnum um slík gögn til vinnuveitanda síns.

Réttindi þín

Þú átt rétt á aðgangi að upplýsingum um þig, leiðréttingu, eyðingu, takmörkun á vinnslu, flutningi gagna og að andmæla vinnslu. Þú getur afturkallað samþykki hvenær sem er. Hafðu samband til að nýta réttindin. Þú getur einnig kvartað til Persónuverndar, personuvernd.is.

Skilmálar

Síðast uppfært 25. október 2026

Þessir skilmálar gilda um þjónustu Kjalar Bókhalds, sem er rekið af MX20 slf., kt. 481024-0640 („Kjölur“). Með því að skrá sig í viðskipti samþykkir viðskiptavinur skilmálana.

1. Gildissvið

Skilmálarnir gilda um alla þjónustu sem Kjölur veitir fyrirtækjum og öðrum lögaðilum. Þeir gilda ekki um neytendur. Pakkalýsingar og verð á vefnum teljast hluti af samningi aðila.

2. Þjónusta

Innifalin þjónusta er sú sem lýst er í þeim pakka sem viðskiptavinur velur. Bókhaldið er fært í Payday. Færslumörk pakkanna eru viðmið, og færslur umfram þau eru reikningsfærðar samkvæmt verðskrá. Önnur vinna, svo sem bókhald fyrri tímabila, leiðréttingar og ráðgjöf, er unnin á tímagjaldi, 19.990 kr. á klst. án VSK, og umfang hennar er samþykkt fyrirfram þegar það er hægt. Pakkinn Upphaf er í boði fyrsta rekstrarár fyrirtækisins.

Þjónustan felur ekki í sér endurskoðun né lögfræðilega ráðgjöf.

3. Verð og greiðsla

Öll verð eru án 24% VSK. Mánaðargjald er innheimt með reikningi sem er gefinn út síðasta dag hvers mánaðar. Gjalddagi er 5. dagur næsta mánaðar. Við vanskil reiknast dráttarvextir samkvæmt lögum nr. 38/2001 um vexti og verðtryggingu. Kjölur getur stöðvað þjónustu ef reikningur er ógreiddur eftir ítrekun. Áskrift að Payday er greidd af viðskiptavini og er ekki innifalin í verði.

4. Skyldur viðskiptavinar

Viðskiptavinur skilar kvittunum, reikningum og öðrum gögnum rafrænt, réttum og tímanlega. Hann veitir aðgang að Payday og bankagögnum eftir þörfum, er skráður fyrir áskrift að Payday og ber ábyrgð á að upplýsingar sem hann lætur í té séu réttar og fullnægjandi.

5. Skil og frestir

Kjölur skilar skýrslum og uppgjörum innan lögbundinna fresta, svo fremi sem gögn berast í tæka tíð. Berist gögn of seint ber viðskiptavinur ábyrgð á álagi, sektum og vöxtum sem af því hljótast.

6. Ábyrgð

Samkvæmt lögum nr. 145/1994 um bókhald ber bókhaldsskyldur aðili sjálfur ábyrgð á bókhaldi sínu. Kjölur ber ábyrgð á tjóni sem rekja má til mistaka eða vanrækslu við vinnu hans. Ábyrgðin nær ekki til óbeins tjóns, tapaðs hagnaðar né tjóns sem stafar af röngum eða ófullnægjandi gögnum frá viðskiptavini. Skaðabótaábyrgð er takmörkuð við þóknun síðustu 12 mánaða.

7. Gögn og varðveisla

Bókhaldsgögn eru eign viðskiptavinar. Samkvæmt 20. gr. laga um bókhald skal varðveita bókhaldsgögn og fylgiskjöl í sjö ár frá lokum reikningsárs og ársreikning í 25 ár. Sú skylda hvílir á viðskiptavini. Við lok samnings fær viðskiptavinur gögn sín afhent í því formi sem Payday leyfir.

8. Trúnaður og persónuvernd

Kjölur gætir trúnaðar um upplýsingar um viðskiptavini og rekstur þeirra, einnig eftir að samningi lýkur. Þegar unnið er með persónuupplýsingar fyrir viðskiptavin, til dæmis í launavinnslu, er Kjölur vinnsluaðili. Vinnslan fer þá fram samkvæmt lögum nr. 90/2018 um persónuvernd og vinnslu persónuupplýsinga og vinnslusamningi sem aðilar gera. Upplýsingar sem eru gefnar á vefnum eru aðeins notaðar til að svara skráningu eða fyrirspurn.

9. Uppsögn

Samningur er ótímabundinn með 2 mánaða uppsagnarfresti sem miðast við mánaðamót. Við uppsögn greiðir viðskiptavinur fyrir þá vinnu sem hefur verið unnin. Kjölur getur sagt samningi upp án fyrirvara ef viðskiptavinur vanefnir greiðslur eða skilar ítrekað ekki gögnum.

10. Breytingar á verði og skilmálum

Kjölur getur breytt verði og skilmálum með 2 mánaða fyrirvara. Tilkynning er send á netfang viðskiptavinar.

11. Lög og varnarþing

Samningurinn lýtur íslenskum lögum. Rísi mál vegna hans skal það rekið fyrir Héraðsdómi Reykjavíkur.